CHÌ VULEMU ?
Vulemu cuntribuì à l’ilaburazioni prugrissiva, in Còrsica, d’una sucità bislingua (corsu/francesu).

QUAL’ HÈ CHÌ CUMPONI U CULLITTIVU ?
Hè una adunita di parsoni è ancu d’associa chì si ricunnòscini in a dimarchja di u cullittivu.

COMU AGISCIA ?
1. FÀ à nantu à u tarrenu (veda archivi)
2. DUMANDÀ l’appiigazioni di u nosciu pianu pà a lingua (veda a pitizioni)


Sapenni di più

QUE VOULONS NOUS ?
Nous voulons contribuer à l’élaboration progressive, en Corse, d’une société bilingue (corse/français).

QUI COMPOSE LE COLLECTIF ?
Il s'agit d'un rassemblement de personnes et d’associations qui se reconnaissent dans la démarche du collectif.

COMMENT AGISSONS NOUS ?
1. Nous faisons des actions sur le terrain pour inciter à la pratique du corse (voir archives).
2. Nous demandons l’application de notre plan en faveur de la langue (voir la pétition).

WHAT IS OUR PRUPOSE ?
We’d like to help Corsica become a bilingual society where Corsican and French will be spoken fluently.

WHO ARE WE ?
We are a group of people and associations who agree and work in the same way.

WHAT DO WE DO ?
1. We organize meetings to encourage people to practice the Corsican language (see newspapers articles).
2. We want our plan for the revival of the Corsican language to be put in practise(see our petition).

01/01/17: Cuminicatu par capu d'annu.


CUMUNICATU DA PUBLICÀ

Paci è saluta à tutti ! Principia un annu novu è à tutti prighemu u meddu.
Di sicuru spiremu chì a lingua corsa cuntinuessi di ripiddà fiatu. Sò numarosi l’aienti chì volini imparà u corsu. Sò più numarosi oghji i ghjovani ad aduprà u corsu. Più và, più si leghji, si scrivi è si senti u corsu : in i ghjurnala, à a tilivisiò, à a radiu, in certi publicità, drentu à certi impresi…è in l’Assamblea di Corsica stessa. Ad arricà issa dinamica, di sicuru sò stati l’iletti, pigliendu ni a pratesa, masimu a nuvedda magiurità, ma anzi tuttu i militanti è l’appassiunati chì facini avanzà a lingua cù u so travagliu d’ogni ghjornu. Di sicuru, a cuntribuzioni di « PARLEMU CORSU ! » hè maiori è ricca di a divirsità di i so 600 membra. Sò bon parechji ad impignassi, à spessu senza mustrà si tantu, ma sempri cù tamanta vulintà è sincirità. Cusì Rémy Stefanaggi, membru di u Cullittivu chì par disgrazia ci hà lacatu di dicembri, presu da a malatìa. Semu cunvinti ch’eddu ci purghjarà aiutu da ind’eddu hè avà è li vulemu fà onori…

À dà si di rimenu pà a lingua corsa ci sò militanti di l’associu U Levante, chì faci anch’eddu parti di u Cullittivu « Parlemu Corsu ! ». Li vulemu purtà sustegnu dop’à l’attentati ch’eddi ani patutu. Vurriani certi ch’eddi rinuncessini à pruteghja a natura di pett’à i spiculadori senza murali, ma sapemi chì mai piantarani issi militanti : più l’andarani contru, più forti sarà a nostra sulidarità.

Purtemu dinò u nosciu sustegnu à André Paccou, portaboci di a LDH, vittima di calunnii è di minacci. Saria ora di fà la finita cù cumpurtamenta simuli !

In fini salutemu a mimoria di Ghjiseppu Leoni, militanti di a lingua è artighjanu di l’ADECEC, associu di primura ch’ùn hè da prisintà.

A lingua corsa ripidda fiatu ma ùn hè ancu salva. U cumbattu cuntinueghja. A lutta s’imponi par istrappà un veru statutu di Cuufficialità. A lutta s’imponi par cuntinuà di prumova l’usu di u corsu in tutta a sucità cù u pinseri di rispittà a pulinumia. Hè un cuncettu fundamintali ch’è no vulemu difenda cù sempri più forza.
À mumenti « Parlemu Corsu ! » t’hà deci anni, è cuntemu di pisà sempri di più à prò di i nostri scopi in lu 2017.

Bon dì, bonu annu, bon capu d’annu è ch’edda campi a noscia lingua !


01/01/17 Cullittivu « PARLEMU CORSU ! »